Қўқонда замонавий спорт-соғломлаштириш маркази фойдаланишга топширилди

Ўзбекистон Республикаси Вазирлар Маҳкамасининг 2019 йил 14 декабрдаги «2020-2024 йилларда Фарғона вилоятининг Марғилон ва Қўқон шаҳарларини комплекс ижтимоий-иқтисодий ривожлантириш бўйича қўшимча чора-тадбирлари тўғрисида»ги қарори ижросини таъминлаш мақсадида ташаббускор тадбиркор Дилшод Ниёзов томонидан Қўқон шаҳар, Алишер Навоий кўчаси 70-А уйда замонавий спорт-соғломлаштириш маркази қуриб, фойдаланишга топширилди.

3 қаватли замонавий спорт-соғломлаштириш марказининг 1-қавати аёллар, 2-қавати эса эркаклар машғулот олиб бориши учун мўлжалланган бўлса, 3-қаватдан яккакурашларга ихтисослашган спорт зали ўрин олган.

Спорт-соғломлаштириш марказида бир кунда жами 180 нафар киши ўз саломатлигини мустаҳкамлаши мумкин. Ташаббускор-тадбиркор ҳамда спорт фидойиси Дилшод Ниёзов томонидан ушбу лойиҳанинг амалга оширилиши натижасида 16 та янги иш ўрни яратилди.

Спорт-соғломлаштириш марказини қуриш ва жиҳозлаш ишларига жами 5 миллиард сўм маблағ сарфланди.