Қорақалпоғистонлик мураббий ва дзюдочиларга семинар ўтказилди + ФОТО

Халқаро тоифадаги ҳакам, Ўзбекистон дзюдо федерацияси Ҳакамлар ҳайъати раиси Баҳодир Узакбергенов ҳамда федерация етакчи мутахассиси Аббос Юнусхўжаев қорақалпоғистонлик мураббий ва дзюдочиларга қонун-қоидалардаги сўнгги ўзгаришлар ҳақида атрофлича маълумот беришди. Ўзгаришлар амалий машғулотлар асосида кўрсатиб берилди. 

Учрашувда турли ёш тоифасидаги Ўзбекистон чемпионатларида имкон қадар кўпроқ қорақалпоғистонлик дзюдочилар ва ҳакамларнинг иштирокини таъминлаш, Амударёдан етишиб чиққан Шарофиддин Болтабоев сингари терма жамоа аъзолари сонини кўпайтириб каби масалалар муҳокама қилинди. 

Семинар сўнггида Қорақалпоғистон дзюдо федерацияси раҳбари Барликбай Жеймуратов ҳамда Ҳакамлар ҳайъати раиси Ғайрат Байниязовга эсдалик совғаси топширилди.