Қорақалпоғистонлик қиличбозлар онлайн мусобақада муносиб иштирок этишди

Таъкидлаш керакки, эркаклар ўртасидаги мусобақада шоҳсупадаги барча совринларни Қорақалпоғистоннинг қиличбозлари олишди.

Шундай қилиб, финал мусобақасида Шерзод Мамутов биринчи ўринни эгаллади ва онлайн-турнирнинг олтин медалига сазовор бўлди. Кумуш медаль Фазил Генжибоевга, бронза медаллар эса Алланиёз Ешанов ва Азизбек Давлетназаровга насиб этди.

Қизлар ўртасидаги финал босқичи мусобақасида энг яхши натижани қорақалпоғистонлик Зайнаб Дайбекова кўрсатди ва олтин медаль билан тақдирланди. Кумуш медаль эса Тошкентлик Севинч Исмоиловага насиб этди. Шаҳноза Тоғаймуратова (Тошкент) ва Айсилу Уснатдинова (Қорақалпоғистон) бронза медаллари соҳиби бўлишди.