Қўрғонтепалик гандболчилар вилоят босқичи ғолиби бўлишди

Мусобақа очилишига бағишланган тадбирда сўз олган Андижон вилояти ҳокимининг ўринбосари Комилжон Комилов, вилоят маҳаллани қўллаб-қувватлаш кенгаши раиси ўринбосари Муҳаммаджон Нишанов ва бошқалар томонидан Президентимиз ташаббуси билан ёшларнинг бўш вақтларини мазмунли ташкил этиш, миллий спорт ўйинлари ва спорт турларини ёшлар ўртасида оммалаштириш, ёшларнинг ижтимоий фаоллигини ошириш, иқтидори, истеъдоди ва ташаббусларини қўллаб-қувватлаш, рағбатлантириш мақсадида ўтказиб келинаётган “Беш ташаббус олимпиадаси” ёшларга кенг имкониятлар эшигини очиб бераётганлиги таъкидланди.  

17-30 ёшли маҳалла ёшлари ўртасида ўтказилган гандбол мусобақасининг вилоят босқичида 16 та туман, шаҳар жамоаси иштирок этиб, ғолиблик учун ўзаро баҳс олиб борди. 

Қизиқарли баҳслар асосида ўтган мусобақанинг якуний натижаларига кўра, Қўрғонтепа тумани гандболчилари биринчи ўринга сазовор бўлди. 

Мусобақада иккинчи ўрин Пахтаобод тумани, учинчи ўрин эса Жалақудуқ тумани гандболчиларига насиб этди. 

Мусобақанинг ғолиб ва совриндорлари диплом ҳамда эсдалик совғалар билан тақдирланди.