10 фев 22:57
Янгиликлар
Шахмат
Қойил. Жавоҳир Синдаров Freestyle Chess Grand Slam 1/2 финалида!
Истеъдодли гроссмейстеримиз Жавоҳир Синдаров америкалик Хикару Накамурага қарши тай-брекнинг ҳал қилувчи иккинчи партиясини ўтказди.
Хабарингиз бор, 1/4 финалнинг асосий икки учрашувида дуранг натижа қайд этилганди. Тай-брекнинг биринчи учрашувида қора доналарда ўйнаганига қарамай, Синдаров ғалаба қозонди. Иккинчи партияни оқ доналарда ўтказган ҳамюртимиз камбэк эвазига яна ғалаба қозонди.
Шу тариқа, америкалик номдор гроссмейстер Хикару Накамурани мураккаб кечган қарама-қаршиликда мағлубиятга учратган Жавоҳир Синдаров мукофот жамғармаси 750 000 АҚШ долларини ташкил этувчи Freestyle Chess Grand Slam турнирининг 1/2 финалига йўл олди.
Накамура энди 1/4 финалда Нодирбек Абдусатторов сингари 5-ўрин учун курашни давом эттиради. Синдаров эса 1/2 финалда бошқа бир америкалик гроссмейстер Фабиано Каруанага қарши баҳс олиб боради. Бу учрашувлар эртага ўтказилади.
Ҳавола :
Манба : olamsport.com
Фикрлар