14 июл 09:09
Янгиликлар
Шахмат
Қойил! Умида Омонова FIDE Жаҳон кубогининг тўртинчи босқичига чиқди
Грузиянинг Батуми шаҳри мезбонлик қилаётган шахмат бўйича аёллар ўртасидаги FIDE Жаҳон кубогининг тўртинчи давра иштирокчилари аниқланмоқда.
Қувонарлиси, ушбу босқичга Ўзбекистон вакиласи ҳам етиб келди. Дастлабки икки даврада номдор рақибаларини мағлуб этган истеъдодли шахматчимиз Умида Омонова учинчи босқичда ҳам кичик сенсанция соҳибасига айланди.
Ҳамюртимиз ўзига хос Марказий Осиё дербисида қозоғистонлик Элназ Калиахметни 1,5:0,5 ҳисобида мағлубиятга учратди. Биринчи кун қора доналарда ўйнашига қарамай, муқаррар мағлубиятни дурангга айлантириб олган Умида жавоб баҳсида оқ доналарда ҳаракат қилди ва рақибасини мағлубиятга учратди.
Энди Умида Омонова Жаҳон кубогининг тўртинчи босқичида хитойлик гроссмейстер Лэй Тинцзега қарши дона суради. Ушбу давра учрашувлари 16 июль куни бошланади. Бугун учинчи босқичнинг ҳал қилувчи тай-бреклари ўйналади.
Ҳавола :
Манба : olamsport.com
Фикрлар