Қозоғистон 3 та медаль қўлга киритиб улгурди. Қишки Осиё ўйинларининг медаллар жамғариш рейтингида қайси терма жамоа етакчи?

Мусобақанинг бугунги беллашувларидан эътиборан бир нечта спорт турларида медаллар ўйналмоқда.

Қўшни Қозоғистон делегацияси ҳозиргача 3 та медаль қўлга киритиб улгурди. Қозоғистонликлар шорт-трек ва конькида югуриш спорт турларида биттадан кумуш медалга эга чиқишди. Бундан ташқари, тоғ чанғисидаги Константин Борцов қўшниларимизга илк бронза медалини тақдим этди.

Умумий медаллар жамғариш рейтингида эса ҳозирча Корея Республикаси 7 та олтин, 5 та кумуш ва 7 та бронза медали билан пешқадамлик қилмоқда.  Ҳозиргача 5 давлат делегациялари Қишки Осиё медалларига эга бўлишди.