Қозоғистон боксчилари Осиё чемпионатида қандай натижа кўрсатяпти?

Кеча кун давомида қўшниларимизнинг уч нафар боксчиси рингга кўтарилди — Сакен Бибосинов (51 кг), Серик Темиржанов (57 кг) ва Санатали Толтаев (63,5 кг).

Бибосинов ҳиндистонлик Спарша Кумарни 4:1 ҳисобида мағлуб этган бўлса, Темиржанов туркманистонлик Ихлаз Гиличжановдан 5:0 ҳисобида устун келди. Санатали Толтаев эса ҳамюртимиз Руслан Абдуллаевга 0:5 ҳисобида ютқазди. 

Маълумот учун, Ўзбекистон терма жамоаси боксчлари ҳозирча мағлубиятсиз одимлашяпти. Мусобақанинг илк куни Абдумалик Халаков таиландлик рақибидан устун келди. Руслан Абдуллаев эса япониялик боксчини мусобақадан чиқариб юборди. 

Иккинчи кун эса Руслан Абдуллаев қозоғистонлик, Шаҳзод Музаффаров покистонлик боксчини мағлуб этди. Бугун икки нафар боксчимиз рингга кўтарилади.