Қозоғистон оғир алетикасидаги оғир "катастрофа", тарихда илк бор Олимпиадада ён қўшниларимиз бўлишмайди

Париж-2024 Олимпиадасига бориш учун сўнгги имконият Сергей Петровичда бўлганди. Лекин у мураббийлар "шарофати" билан "C" гуруҳ баҳсларида қатнашди ва олтинчи ўринни эгаллади. Унинг бу натижаси ўз рейтингида кучли ўнталикка кириш учун етарли бўлмади. Петрович эгаллаб турган 12-ўрин Олимпиадада қатнашиш имкониятини бермайди.

Қозоғистон матбуотида ёзилишича, бунга Қозоғистон оғир атлетикаси тизимидаги хатоликлар сабаб бўлган. Майя Манеза, Илья Ильин, Зулфия Чиншанло, Светлана Подобедова допинг сабаб медаллардан маҳрум бўлиб, узоқ муддатга катта спортдан четлатилган. Улар ҳамон мамлакатда "қаҳрамон" сифатида эсланади.  

Ўша хабарнинг давомида энди нима қилиш керак? деган савол ўртага ташланади. Жавобни ҳам ўзлари беришади: ўзгариш керак, 50 йилдан бери эски тизимда ишлаб келаётганларни ҳайдаш, Ўзбекистон танлаган йўлдан бориш лозим. Ўзбекистон допингсиз ҳам бунга эришиш мумкинлигини исботлади. Акбар Жўраев ёлғон гапиришимизга йўл қўймайди.