21 сен 17:17
Янгиликлар
Бокс/ММА
Қозоғистонлик Али Ахмедов Бектемир Мелиқўзиевнинг собиқ рақиби билан жанг қилди
Ирландиянинг Дублин шаҳрида навбатдаги профессионал бокс оқшоми ташкил этилди.
Унда иккинчи ўрта вазн тоифасидаги қозоғистонлик чарм-қўлқоп устаси Али Аҳмедов ҳам рингга кўтарилди. Аҳмедовга мусобақа доирасида франциялик Пьер Дибомбе рақиблик қилди.
10 раунд этиб белгиланган жанг тўлиқ давом этди. Жангнинг саккизинчи раундида Дибомбе рақибини нокдаун ҳолатига ҳам туширди. Аммо якунда Али Аҳмедов ҳакамлар қарорига кўра жангда ғолиб деб топилди.
Бу 29 ёшли қозоғистонлик спортчи учун фаолиятидаги 23-жангида қўлга киритган 22-ғалабаси бўлди.
32 ёшли Дибомбе эса 25-жангида иккинчи мағлубиятини қабул қилиб олди. У илк мағлубиятини ҳамюртимиз Бектемир Мелиқўзиев билан жангда тан олган эди.
Ҳавола :
Манба : sportilinet
Фикрлар