16 мар 11:10
Янгиликлар

Бокс/ММА

Қозоғистонлик аралаш яккакураш устаси UFC лигасида дебют қилди + ФОТО

Мағлубият нималигини билмай келаётган Дияр Нургожай бугун тонг саҳар Лас-Вегасда ўтган UFC Fight Night 254 турнирида октагонга чиқди.

Қозоғистонлик аралаш яккакураш устаси кеча тарозидан ўтиш маросимида яримоғир вазн тоифаси учун белгиланган вазн меъёрини бажара олмаганди. Нургожай 2 килограмм ортиқча вазн кўрсатганди.

Афсуски, Дияр гонорарининг маълум бир қисмини рақибига бериш баробарида UFC промоушенидаги дебютида муддатидан олдин мағлуб ҳам бўлди. Бразилиялик Брендсон Рибейро асосий карддан ўрин олган жангнинг иккинчи раундида Нуржогайни оғритиш усули билан таслим этди.

Бугунги мағлубиятига қадар Дияр Нургожай ММАда 11 та жанг ўтказиб, барчасида ғалаба қозонганди. Ўтказган жангларининг 10 тасида рақибларини муддатидан аввал мағлубиятга учрата олган эди. UFC`даги илк жангидаёқ ўзи муддатидан олдин ютқазиб қўйди.