07 дек 09:52
Янгиликлар

Бокс/ММА

Қозоғистонлик Асу Алмабаевнинг UFC'даги иккинчи жанги санаси ва рақиби маълум бўлди + ФОТО

2024 йил 9 март куни UFC 299 турнири ўтказилади.

Мусобақа доирасида ўта енгил вазн тоифасида қозоғистонлик аралаш якка кураш устаси Асу Алмабаев (18-2-0) ҳам октагонга кўтарилади. Унга америкалик Сижей Вергара (12-4-1) рақиблик қилади. Жанг прелим кард доирасида 3 раунддан иборат бўлади.

Турнирнинг марказий жанги энг енгил вазн тоифаси чемпиони, америкалик Шон О'Мэлли (17-1-0) ҳамда эквадорлик даъвогар Марлон Вера (23-8-1) ўртасида кечади.

Эслатиб ўтамиз, Асу Алмабаев UFC'даги дебют жангини 2023 йил август ойида асли ямайкалик Оде Осборнга қарши ўтказиб, муддатидан олдин ғалаба қозонган эди.