24 окт 09:21
Янгиликлар

Бокс/ММА

Қозоғистонлик боксчи Тошкентда Eliminator жангини ўтказади

Қозоғистонлик боксчи Меирим Нурсултанов (19-0, 11 КО) навбатдаги жангини Тошкентда ўтказади.

17 ноябрь куни пойтахтимиздаги "Ҳумо Арена"да Lift Promotions промоутерлик компанияси ўзининг навбатдаги бокс оқшомини ташкил этади.

Ушбу бокс оқшоми доирасида ўрта вазн тоифасида қозоғистонлик Мерим Нурсултанов WBC Элиминатор жангида рингга чиқади. Унга германиялик Винсент Феигенбутс рақиблик қилади. Жанг 12 раунд этиб белгиланган.

Аввалроқ, мазкур бокс кечасида Баҳодир Жалоловнинг ЖАР вакили Крис Томпсон билан жанг қилиши ҳақида хабар берган эдик.