21 июл 16:25
Янгиликлар
Бокс/ММА
Қозоғистонлик Жаҳон чемпиони Жанибек Алимханули бошқа вазнга ўтаётганини эълон қилди
Ўрта вазн тоифасида (72,6 кг гача) WBO йўналиши бўйича Жаҳон чемпиони, қозоғистонлик проф бокс устаси Жанибек Алимханули (17-0, 12 KO) иккинчи ўрта вазн тоифасига (76,2 кг гача) ўтишини маълум қилди.
«Биз ўрта вазн тоифасини забт этдик, иккита Жаҳон чемпионлик камарини қўлга киритдик, Қозоғистон байроғини баланд кўтардик ва қозоқ услубини бутун дунёга танитдик. Энди янги чақириқ вақти келди. Иккинчи ўрта вазн, биз келяпмиз! Бу дивизионда машҳур боксчилар кўп. Қани, ким бу чақириқни қабул қилишга тайёрлигини кўрамиз», — деб ёзди Алимханули X ижтимоий тармоғида (аввалги Twitter).
Маълумот учун, Жанибек Алимханули 33 ёшда. У 2016 йилда профессионал боксдаги фаолиятини бошлаган. 2022 йилда ўрта вазн тоифасида Жаҳон чемпионлигига эришган бўлса, 2023 йилда бирлаштирувчи Жаҳон чемпионига айланган.
Ҳавола :
Манба : championat.com
Фикрлар