Қозоғистонлик оғир атлетикачи Лондон Олимпиадасидан 12 йил ўтиб, совриндорга айланди

Тақдирлаш маросими Лима шаҳрида (Перу) бўлиб ўтган енгил атлетика бўйича ёшлар ўртасидаги жаҳон чемпионати доирасида ташкил этилди.

Эслатиб ўтамиз, Лондондаги Олимпиадада қозоғистонлик спортчи Анна Нурмухамбетова 69 килограммгача бўлган вазн тоифасида бешинчи натижани қайд этган эди. Бироқ, қайта текширувдан сўнг, мукофотлар қайта тақсимланди. Шундай қилиб, Марина Шкерманкова ва Дина Сазановец тақиқланган моддаларни истеъмол қилганликда айбланди. Кейинчалик уларнинг натижалари бекор қилинди ва Нурмуҳамбетова расман 2012 йилги Олимпия ўйинларининг бронза медали совриндорига айланди.  

2020 йилда эса Олимпиаданинг кумуш медалини қўлга киритган руминиялик Роксана Кокоснинг намунасида ҳам допинг излари топилгани маълум бўлди. Унинг кумуш медали қайтариб олинди ва Лондонда кўрсатилган натижа бекор қилинди.  

Мукофотларни қайта тақсимлашдан сўнг, Анна Нурмуҳамбетова 2012 йилги ўйинларда кумуш соҳиби бўлди. Бронза эса колумбиялик Убалдина Валлесга насиб этди.