Қозоғистонлик Олимпиада чемпиони 8 йиллик дисквалификацияга учради ва олтин медалидан маҳрум қилинди

Қозоғистонлик оғир атлетикачи Низҳат Раҳимов антидопинг қоидаларини бузгани учун 8 йилга дисквалификация қилинди ва бунинг натижасида Рио-де-Жанейродаги Олимпия ўйинларининг олтин медалидан маҳрум бўлди.

Спортчининг олтин медалдан маҳрум этилиши Қозоғистоннинг 2016 йилги Олимпия ўйинларидаги медаллар жамғариш рейтингидаги мавқеига бевосита таъсир қилди. Мусобақа якунларига кўра, Қозоғистон 3 та олтин, 5 та кумуш ва 9 та бронза медали билан 22-ўринни эгаллаган эди. Мазкур ҳолатдан сўнг мамлакат 30-ўринга тушиб кетди.

Шу тариқа, Қозоғистонда 2016 йилги Олимпиаданинг икки нафар чемпиони бор: Данияр Елеуссинов (бокс) ва Дмитрий Баландин (сузиш).