Қозоғистонлик Сағиндик Тогамбай ярим финалда мағлуб бўлди ва Осиё ўйинларини бронза медали билан якунлади

Бироз олдин қозоғистонлик боксчи Сағиндик Тогамбай -92 кг вазн тоифасида ярим финал жангини ўтказди. Унга хитойлик Сюэчжэн Хан рақиблик қилди. Бу баҳсда ҳакамларнинг якдил қарори билан хитойлик боксчи ғалаба қозонди ва Осиё ўйинлари финалидан ташқари, Париж-2024 Олимпиадаси йўлланмасини қўлга киритди.

Бу Қозоғистон бокс терма жамоасининг Осиё ўйинларидаги тўртинчи йўқотишига айланди. Аввалроқ, Сакен Бибиосинов, Махмуд Сабирхан, Нурбек Оралбай ҳам мусобақада мағлуб бўлган эди.