Қозоғистонлик UFC дебютанти Нурмагомедов билан жангни қабул қилиши сабабини айтди

"Биз тайёрмиз, шунинг учун бу жангни қабул қилдик. Барчасини шу жангда кўрсатамиз. Мен жангга рози бўлиш ёки уни рад этиш ҳақида ўйламадим. Менга овозли хабар жўнатишлари билан дарҳол жангга розилик билдирдим. Уч-тўрт йил олдин ўзимга ўзим "Агар UFС'дан шартнома берилса, рақиб танламасдан жанг қиламан деб айтгандим. Ҳозир шундай бўлмоқда. Умар - Топ рақиб, энг зўр жангчилардан бири. 

Агар мен Умарни мағлуб этсам, Топ-10`даги рақиблар билан жанг қилишим учун имконият пайдо бўлади. Умар - машҳур ва кучли рақиб. У билан жанг қилишдан кўпчилик қочади. Унинг оёқ-қўллари яхши ишлайди. Универсал жангчи, лекин мен ҳам шундайман. Мен ҳам жангда яхши кураша оламан. Барчасига тайёрмиз, кўрамиз нима бўлар экан", - деди Бекзат.