21 июн 12:38
Янгиликлар

Спорт курашлари

Қозон, сариқ сабзи бўлмаса бўлмас, Спалада ўзбекча палов тайёрланди + ФОТО

Хабарингиз бор, шу кунларда юнон-рум кураши бўйича Ўзбекистон терма жамоаси Польша пойтахти Варшавадан 117 км узоқликда жойлашган Спала курорт шаҳрида халқаро ўқув-машғулот йиғинини ўтказмоқда.

Токио Олимпиадасига тайёргарлик вазифасини ўтаб бераётган ушбу халқаро йиғинда ўзбекистонлик курашчилар билан бирга Норвегия, Германия, Франция, Хорватия, Венгрия, Литва, Финляндия, Руминия ва Швеция терма жамоалари ҳам иштирок этяпти.

Кеча Равшан Рўзиқулов мураббийлигидаги "классикларимиз" дам олиш кунини мароқли ўтказишди. Ўзбек бўш бўлди дегунча дўппидек ош тайёрлайди. Европадаги вазиятдан келиб чиқиб, Елмурат ошпаз Тасмурадов томонидан жуда ҳам мазали паловхонтўра пиширилди.

Табиийки, сариқ сабзининг ўрнига қизили ишлатилди. Лекин думба, қази ва тухумни ошпазимиз амаллади.