04 янв 13:21
Янгиликлар

Бокс/ММА

Қозоқ матбуоти: "Ўзбекистонлик жангчи бизнинг UFC`дагилар учун қасос олади"

Хабарингиз бор, ҳамюртимиз Рамазон Темиров (18-2) 1 март куни АҚШнинг Лас-Вегас шаҳрида UFC промоушенидаги иккинчи жангини ўтказади.

Аралаш яккакураш устамиз шу куни UFC Fight Night 253 турнири доирасида ўта енгил вазн тоифаси рейтингида Топ-15`таликда бораётган америкалик Чарльз Жонсон (17-6)га қарши октагонга чиқади.

Қозоғистоннинг Sports.kz нашрининг ёзишича, Темиров Жалгас Жумагулов (17-9) ва Азат Максум (15-1)лар учун америкаликдан қасос олиши керак. Чарльз Жонсон ҳар икки қозоғистонлик UFC жангчиларини ўзаро жангда очколар ҳисобига кўра мағлубиятга учратган эди.

Шунингдек, UFC Fight Night 253 турнирида яна бир қозоқ файтери Асу Алмабаев (21-1) ҳам ўз жангини ўтказади. Тўртта ғалабали серия билан келаётган Асу австралиялик Стив Эрцег (12-3) билан ҳисоб-китоб қилади. Алмабаев ҳам айнан Рамазоннинг вазнида ўз жангларини ўтказиб келмоқда.