Қудратилло Абдуқаҳҳоров Исроил Мадримовнинг рақиби ҳақида гапирди

Ярим ўрта вазн тоифасидаги проф боксчимиз Қудратилло Абдуқаҳҳоров Исроил Мадримовнинг рақиби Рафаэл Игбокве ҳақидаги фикрларга муносабат билдирди.

«Исроил ҳам Муроджон ҳам ғалаба қозонади, Ин Шаа Аллоҳ. Биз уларга ишонамиз, дуо қиламиз, қўллаб-қувватлаб турамиз.

Исроилни рақибини кучсиз дейишимиз нотўғри. Рақибни кучсизи бўлмайди. Бу боксчи кучсиз деб менсимасдан рингга чиқиш хато. Чунки боксда битта зарба ҳаммасини ҳал қилиб қўяди. Қаршисидаги рақибини менсимасдан кучсиз деб, рингга чиқиб ютқазиб қўйганларни кўпини кўрганмиз», - деди Абдуқаҳҳоров.