Қудратилло Абдуқаҳҳоров Жошуага қарши жангига жаҳон чемпиони билан бирга тайёргарлик кўрмоқда + ФОТО

National Orange Show Event Center мажмуасида ўтказиладиган ушбу турнир доирасида Қудратилло Абдуқаҳҳоровга америкалик Жошуа Антон рақиб бўлади. Боксчимиз бўлажак жанги олдидан биринчи ўрта вазнда (69,9 кг гача) жаҳон чемпиони америкалик Себастьян Фундора (23-1-1, 15 KO) билан бирга спарринг-машғулот ўтказди. Бўйи анчайин баланд бўлган Фундора 29 март куни ўз камарини ҳамюрти Кит Турман (31-1, 23 KO)дан ҳимоя қилади.

"Катта раҳмат, чемпион. Ажойиб машғулот бўлди. Бўлажак жангингда омад, дўстим", деб ёзди Абдуқаҳҳоров ўзининг ижтимоий тармоқдаги саҳифасида. 

Маълумот учун, Қудратилло Абдуқаҳҳоров профессионал боксдаги фаолияти давомида ҳозиргача 27 та жанг ўтказиб, 22 ғалаба ва 5 та мағлубият қайд этган. Жошуа Антон ҳисобида эса 12 та жангда қўлга киритилган 12 та ғалаба бор.