Қудратилло Абдуқаҳҳоровнинг жанги қолдирилди. У апрелда бошқа рақибга қарши жанг қилади

Унинг ўрнига энди Қудратилло (17-0, 9 КО) 10 апрель куни бошқа рақибга қарши жанг қилади. Бу ҳақида боксчимиз Инстаграмдаги саҳифасида маълумот берди. 

"Ассалому алайкум барчага азиз юртдошлар, бизни қўллаб-қувватлаб келаётган мухлисларимиз. 13 март кунги жангим рақибим тиббий кўрикдан ўта олмагани сабабли бекор қилинди. 

Жангга оз вақт - 10 кун қолганди. Шу сабабли хеч қайси боксчи ўша куни жанг қилишга рози бўлмади. Худо хоҳласа навбатдаги рақибим канадалик Коди Кровли бўлади", - деб хабар қолдирди боксчимиз. 

Маълумот учун, Кровли шу кунгача 19 та жанг ўтказиб, уларнинг барчасида рақибларини мағлуб этган. 9 та жангда рақибларини нокаутга учратган.

Таққослаш учун, Қудратилло айни пайтда IBF рейтингида биринчи ўринни эгаллаб турибди. Кровли эса WBA рейтингида 9-ўринни банд этган.