24 фев 16:40
Янгиликлар

Бокс/ММА

Қудратилло Абдуқаҳҳоровнинг навбатдаги жанги тасдиқланди, у камар учун рингга кўтарилади

Профессионал боксчимиз Қудратилло Абдуқаҳҳоров фаолиятидаги навбатдаги жангини қачон ва кимга қарши ўтказиши маълум бўлди.

Унга кўра, Абдуқаҳҳоров шу йилнинг 16 май куни АҚШда россиялик Сергей Липенецга қарши рингга кўтарилади. Жанг вақтинчалик IBF чемпионлиги учун ўтказилади.

Қайд этиш лозимки, Абдуқаҳҳоров айни пайтда IBF камари учун мажбурий даъвогар ҳисобланади. Бироқ, чемпион Эррол Спенс автофалокат сабаб жангларда иштирок эта олмайди. Шу сабабли, мазкур жанг рейтингда учинчи ўринда турган Липенецга қарши ўтказилади.

Эслатиб ўтамиз, Қудратилло шу кунгача проф боксда 17 та жанг ўтказган ва уларнинг барчасида ғалаба қозонган (9та нокаут). Липенец ҳам Абдуқаҳҳоров каби 17 маротаба рингга кўтарилган. Фақат у жангларининг 16 тасида ғалаба қозонган (12та нокаут). 1 та жангда мағлубиятга учраган. У ягона мағлубиятини америкалик Майки Гарсиядан қабул қилиб олган.