Queen's Club. Маттео Берреттини чемпионлик унвонини ҳимоя қилди

Queen's Club турнирининг ҳал қилувчи финал учрашувида дунёнинг 10- ракеткаси, италиялик Маттео Берреттини ATP рейтингининг 48-поғонасидан жой олиб турган сербиялик Филип Крайиновичга қарши кортга чиқди. Бир соату 33 дақиқа давом этган баҳсда Маттео рақибидан 7/5, 6/4 ҳисобида устун келди. 

Бу билан италиялик ракетка устаси ўзининг чемпионлик унвонини муваффақиятли тарзда ҳимоя қилди. 26 ёшли Маттео учрашув давомида 14 та, 30 яшар Филип эса 6 та эйс зарбасини амалга оширган. Теннисчиларнинг ўзаро учрашувларида италиялик ҳисобни йириклаштирди - 3:0.

Шу тариқа, Берреттини фаолиятидаги еттинчи совринини қўлга киритди. Совринларидан тўрттаси Queen's Club турнирида бўлгани каби майса қопламали кортга ютиб олинган. Queen's Club турниридаги муваффақиятли иштирок Маттеога 500 рейтинг очкоси ҳамда 399,170 евро мукофот пули келтирган.