Раҳимова дунёнинг 69-ракеткасига қарши уч сетлик учрашув ўтказди

Мукофот жамғармаси 125 000 АҚШ долларини ташкил қилувчи ушбу мусобақада теннисчимиз Камилла Раҳимованинг ҳам иштирок этаётгани ҳақида хабар берган эдик. Ўзбекистоннинг биринчи ракеткаси 1/16 финалда нидерландиялик Ламенс Сюзанни 2 соату 31 дақиқа давом этган баҳсда уч сет натижасига кўра мағлубиятга учратганди - 5/7, 6/1, 6/4. 

Афсуски, вакиламиз уч сет давом этган 1/8 финал баҳсида дунёнинг 69-ракеткаси, Остин турнирида 6-рақам остида таснифланган австралиялик Кимберли Бирреллга 2/6, 6/1, 2/6 ҳисобида имкониятни бой бериб қўйди. Бир соату 57 дақиқалик учрашувда Раҳимова 3, Бирелл 2 та эйс зарбасини амалга оширган. Қўшхатолар Камиллада икки баробар кўпроқ бўлди - 9 га 4. 

Маълумот учун, бу теннисчиларнинг ўзаро ўтказган тўртинчи учрашуви бўлди. Бугунги ғалабаси эвазига Кимберли мувозанатни тиклаб қўйди - 2:2. 24 ёшли Камилла Раҳимова ҳозирда дунё рейтингида 88-ўринни эгаллаб турибди.