10 сен 14:48
Янгиликлар

Бокс/ММА

Раҳмонов ММА тарихидаги уч севимли жангчисини очиқлади

UFC жангчиси Шавкат Раҳмонов аралаш яккакурашлар тарихидаги ўзи энг ҳурмат қиладиган уч нафар спортчини санаб берди.

Раҳмонов афсонавий россиялик оғир вазнли Фёдор Емельяненкони биринчи ўринга қўйди. Шунингдек, хорватиялик Мирко Кро Коп ва америкалик Жон Жонсни алоҳида таъкидлади.

"Ростини айтсам, менга Фёдор Емельяненко ёқарди. Фёдор, Мирко Кро Коп, Жон Жонс — афсонавий жангчиларим", — деди Раҳмонов.

Маълумот учун, Сурхондарё вилоятида туғилган Шавкат Раҳмонов ҳозирда Қозоғистон шарафини ҳимоя қиляпти ва профессионал фаолиятида ҳали мағлубиятга учрамаган: у 19 та жанг ўтказиб, барчасида ғалаба қозонган, шундан 18 тасини муддатидан аввал якунлаган. UFC`да қозоғистонлик спортчи кетма-кет еттита жангда зафар қучди. У ўзининг сўнгги жангини 2024 йил декабрь ойида ўтказиб, ирландиялик Йен Мачадо Гэррини ҳакамларнинг якдил қарори билан мағлуб этган эди.