10 сен 18:56
Янгиликлар

Бокс/ММА

Раҳмоновга Қозоғистон Президенти бирор масалани ҳал қилишда ёрдам берганми?

UFC’нинг ярим ўрта вазн тоифасидаги мағлубиятсиз жангчиси Шавкат Раҳмонов Қозоғистон Президенти Қосим-Жомарт Тоқаев билан муносабатлари ҳақида гапирди.

"Ҳа, ҳа, шахсан танишман. Мен уни икки-уч марта кўрганман. Президент менга бирон-бир масалани ҳал қилишда ёрдам берганми? Йўқ-йўқ, йўқ (кулиб). Ҳали бунга етиб бормадик", - деди Раҳмонов ALF Global YouTube каналига берган интервьюсида.

Шавкат 31 ёшда. Қозоғистон вакили профессионал аралаш яккакураш жангчиси сифатида 2014 йил октябрь ойида дебют қилган. "Номад"нинг рекордида 19 та ғалаба бор, улардан 18 таси муддатидан олдин қўлга киритилган ва бирорта ҳам мағлубият йўқ. Шавкат Раҳмонов ярим ўрта вазн тоифасида М-1 Глобал собиқ чемпиони бўлиб, бир бор чемпионлик унвонини муваффақиятли ҳимоя қилган.