Раҳмоновнинг менежери: "Чемпионни кутишнинг иложи йўқ - ўзимизни эслатиб қўйишимиз керак"

Бу ҳақда "Ушатайка" каналига берган интервьюсида "Номад"нинг менежери Саят Абдраҳманов маълум қилди.

"Шавкатнинг соғлиғида муаммолар бор эди. Май ойида бизга Белал Муҳаммад билан чемпионлик камари учун жанг қилиш таклифини беришганди, аммо афсуски, Шавкат жароҳати туфайли бу жангни қабул қила олди. Ҳозирда у тўлақонли машғулотларга киришган ва катта эҳтимол билан январь ойи охири ёки февраль ойи бошида жанговар формада бўлади. Ҳозир шундай режамиз бор. У аллақачон кунига икки маҳалдан машғулот ўтказяпти ва келаси йил бошида чиқиш қилишни мақсад қилган ҳолда тайёргарлик кўрмоқда", - деди Абдураҳмонов.

Шунингдек, менежер Раҳмоновнинг кейинги жангида UFC чемпионлик камари учун октагонга чиқишни режалаштирмаётганини таъкидлади.

"Агар ярим ўрта дивизиондаги вазият ҳақида гапирадиган бўлсак, бир йил олдин у ерда даъвогарлар етишмасди, аммо ҳозир аксинча, улар жуда кўп. Уларнинг кўпчилиги ўзаро ҳисоб-китоб қилмоқда: Шон Брэди Майкл Моралес билан, Карлос Пратес Леон Эдвардс билан, Иан Гарри Белал Муҳаммад билан. Яна собиқ чемпион Камару Усмон ҳам бор. Яъни, вазият шундайки, шунчаки чемпионни кутишнинг иложи йўқ - қайтиш, ўзингизни ёрқин эслатиш ва яна камар учун жанг қилиш имкониятига эга бўлиш керак. Шунинг учун, ноябрь ойида бу жанглар қандай ўтишини, дивизиондаги вазият қандай ўзгаришини кўрамиз ва шундан кейин кейинги қадамлар ташланади", - дея тушунтирди Абдураҳмонов.