Рамазон Темиров иштирокидаги тўлиқ матбуот анжумани

Ҳамюртимиз 25 июль куни Абу-Даби мезбонлик қиладиган UFC Fight Night 282 турнирининг иккинчи асосий жангида австралиялик Стив Эрцег билан тўқнаш келади.

"Co main event'да жанг қилаётганим мен учун жуда катта масъулият юклайди. Ишонч билдиришгани учун UFC'га катта раҳмат айтаман. Худо хоҳласа, бу ишончни чиройли тарзда оқлайман, деган умиддаман. Рақибим билан биргаликда халқим, мухлисларим ва бутун UFC мухлисларига чиройли жанг кўрсатамиз. Ин Ша Аллоҳ, ғалаба қозонаман, деган умиддаман.

Худо хоҳласа, бу жангда ютсак, унинг ўрнига кўтариламан, деб ўйлайман. Ундан кейин ҳам UFC кимни берса, жанг қилавераман. Мақсад чемпионлик.

Асу билан жангимга келсак, биз бир вазндамиз. Иккимиз ҳам бир-биримиз билан жанг қилишни истамасдик. У билан дўстмиз. Лекин UFC белгиласа, жанг қилишга мажбурмиз. Ундан кучлироғини беришса, муаммосиз жанг қиламан.

Юртимизда UFC турнир ўтказишини эшитиб, жуда хурсанд бўлдик. Лекин тафсилотларидан хабаримиз йўқ. Аммо қачондир Ўзбекистонда турнир ўтказилишини айтишди. Ин Ша Аллоҳ, шу жангни чиройли ўтказиб олсам, кейингисида ким бўлишинидан қатъий назар, Ўзбекистонда жанг ўтказишни хоҳлардим.

Стив яхши жангчи. Маҳорати бор. Мен ўзимни рақибларимдан устун кўрмайман, лекин жанг вақтида ўзимда бор барчасини кўрсатаман.

Ўзимнинг вазнимда Жошуа Ван билан жанг қилиш мен учун жуда ҳам қизиқарли бўларди. Чунки у ҳам тик турган ҳолда жанг қилади. Орқага қайтмайди. Мен ҳам шундай. Жуда чиройли жанг бўлади.

Биз 3 раундлик жангга тайёргарлик кўрдик. Уч ойлик йиғинимиз ҳам тўлиқ жанг учун мослашган эди. Нокаут қиламан, вақтли тугатаман, деган нарса йўқ. Бундай вазиятлар жангда ўзи пайдо бўлади", дейди Темиров.