13 июл 17:20
Янгиликлар

Бокс/ММА

Рамазон Темиров: "Жанг санаси аниқ бўлишини кутяпман"

Энг енгил вазн тоифасида ўзбекистонлик аралаш яккакураш устаси, MPL лигасида фаолият олиб бораётган RIZIN собиқ жангчиси Рамазон Темиров Instagram саҳифасига янги пост жойлади.

"Алҳамдулиллаҳ, яхши формадаман. Ин Ша Аллоҳ жанг санаси аниқ бўлишини кутяпман. Менга берилган Аллоҳнинг синовларини чиройли сабр билан енгиб ўтаман ва сизларни ажойиб ғалабалар билан яна хурсанд қиламан. Азизларим, дуода бўлинг. Мен ҳар қандай ҳолатда ҳам, ҳар қандай рақибларга қарши жанг қилишга тайёрман", дея қуйидаги суратни изоҳлади Темиров.

Маълумот ўрнида, 27 ёшли Рамазон Темиров ҳозирга қадар проф фаолияти давомида 19 та жанг ўтказиб, 17 ғалаба ва 2 мағлубият қайд этган. У охирги жангини 2023 йил сентябрь ойида RIZIN 44 турнири доирасида япониялик Такаки Сояга қарши ўтказиб, биринчи раунддаёқ нокаут эвазига ғалаба қозонган эди. Шундан сўнг, Темиров жамоаси RIZIN билан шартнома бекор бўлганини эълон қилган эди.