09 янв 10:32
Янгиликлар
Бокс/ММА
Рамазон Темиров Муҳаммад Мокаев билан спарринг ўтказади
Аввал хабар берганимиздек, таниқли ММА аралаш яккакураш устамиз Рамазон Темиров тез орада Япониянинг RIZIN промоутерлик компанияси билан шартнома имзолайди.
Шу кунларда Темиров ўқув-машғулот йиғинини ўтказиш мақсадида Таиланд давлатига жўнаб кетади. Сир эмас, айнан Таиландда дунёнинг кўзга кўринган аралаш яккакураш жанг усталари ўз машғулот лагерларини ўтказишади ва табиийки, улар орасида ўзбекистонлик спортчилар ҳам бор.
"Тез орада Таиландга жўнаб кетаман. У ерда Япониядаги бўлажак жангим олдидан асосий ўқув-машғулот йиғинимни ўтказаман. Спарринг рақиблар масаласида ҳеч қандай муаммо бўлмайди. Улар орасида UFC жангчиси Муҳаммад Мокаев ҳам борлигини айтишим мумкин. Машғулотлар якунлангач, Таиланддан Тошкентга қайтаман ва кейин Токио шаҳрига йўл оламан", - дейди сайтимизга берган интервьюсида Темиров.
Рамазоннинг тўлиқ интервьюсини томоша қилинг.
Ҳавола :
Манба : olamsport.com
Фикрлар