Рамазон Темиров навбатдаги жангини Абу-Дабида ўтказмоқчи

Рамазон Темиров ўзининг Инстаграм саҳифасидаги жонли эфирида кейинги жанги ҳақида берилган саволга жавоб берди.

"Ўзимга қолса, Абу-Дабида жанг қилган бўлардим. Иккита жангим АҚШда бўлиб ўтди. Амирликлардаги кардда бизга яқинлар кўп бўлади. Табиийки, мухлислар ҳам", - деди Темиров. 

UFC прмоушени томонидан белгиланган турнирлар рўйхатига қарайдиган бўлсак, июль ойигача Абу-Дабида мусобақа ўтказилмаслиги ойдинлашади. Жанглар Буюк Британия, Мексика, Канада ва АҚШда ташкил этилади. 

Ҳамюртимиз сўнгги жангидан кейин ўтказилган матбуот анжуманида UFC раҳбари Дана Уайтга мурожаа қилиб, "Мен чемпион бўлишни хоҳлайман. Ҳой Дана, мен чемпион бўламан, Ин Ша Аллоҳ. Бу дивизионни тозалайман. Кай Кара-Франс, Брэндон Морено ёки Пантожами, муаммо йўқ. Мен чемпионман, ҳаммасини вақт кўрсатади. Мен тайёрман, мен ўзбекман. Кимни рақиб сифатида беришса ҳам фарқи йўқ. Чемпионликка тезроқ боришни хоҳлардим, шундай экан, топ даражадаги ҳар қандай жангчи билан урушишга тайёрман. Энди ёзда кейинги жангимга тайёр бўламан", деганди.