Рамазон Темиров октагонга чиқадиган UFC турнирининг марказий жанги маълум бўлди

Ташкилотчилар томонидан мусобақанинг марказий жанги қайси спортчилар ўртасида кечиши маълум бўлди.

Ўта енгил вазн тоифасида (57 кг) америкалик аралаш якка кураш устаси Брэндон Ройвал турнир доирасида Португалия вакили Манель Капе билан тўқнаш келади.

32 ёшли Ройвал фаолияти давомида ҳозирга қадар 24 та жанг ўтказиб, 17 та ғалаба ва 7 та мағлубият қайд этган. 31 ёшли Манель Капе ҳисобида эса 20 та ғалаба ва 7 та мағлубият мавжуд.

Мусобақа доирасида ўзбекистонлик Рамазон Темиров ҳам октагонга кўтарилади. Унга UFC рейтингининг 15-ўрнини эгаллаб турган Чарльз Жонсон рақиблик қилади.