06 май 11:26
Янгиликлар

Бокс/ММА

Рамазон Темиров Rizin промоушенида дебют қилди

Бироз аввал Японияда ўтказилаётган аралаш яккакураш бўйича Rizin 42 турнири доирасидаги биз учун аҳамиятли жанг якунланди.

Унда ўзбекистонлик илк Rizin жангчисига айланган Рамазон Темиров япониялик Юта Хамамотога қарши октагонга кўтарилди. Жанг биринчи раунднинг ўзидаёқ рефери томонидан тўхтатилди. Темиров кучли зарбалар эвазига рақибини нокаутга учрата олди.

Бу Хамамото учун 8-жанг бўлди. Унинг ҳисобида 5 та ғалаба бор эди. Бугун у учинчи мағлубиятини қабул қилиб олди. Рамазон Темиров сўнгги жангини 21 ноябрь куни Naiza FC 48 турнири доирасида бразилиялик Кайк Аленарга қарши ўтказиб, муддатидан аввал ғалаба қозонган эди.