11 сен 12:23
Янгиликлар
Бокс/ММА
Рамазон Темиров UFC допинг тестини топширди. Натижаси қандай бўлди?
Ўзбекистонлик таниқли аралаш яккакураш устаси, яқиндагина UFC'га қўшилган Рамазон Темиров илк жанги олдидан допинг тести топширди.
У мазкур тестдан муваффақиятли ўтганини эълон қилди.
"Кўпчилик UFC допинг тестидан ўтдингизми, деб сўраяпти. Бундан 3-4 кун олдин UFC допинг назоратидан келиб, тест олиб кетишди. Кеча ёзишларича, таҳлилларнинг ҳаммаси яхши чиқибди. Жанг кунимиз аниқ. Ҳозир виза чиқишини кутяпмиз. Виза чиқиши билан АҚШга учиб кетамиз", деди Темиров.
Маълумот ўрнида, 27 ёшли Темиров UFC билан тўртта жанг учун шартнома имзолаган. У дебют жангини 13 октябрь куни америкалик Си Жей Вергарага қарши ўтказади.
Ҳавола :
Манба : olamsport.com
Фикрлар