Рамазон Темиров UFC`даги иккинчи жанги учун АҚШга жўнаб кетди + ФОТО

Аввал хабар берилганидек, ҳамюртимиз 1 март куни АҚШнинг Лас-Вегас шаҳрида ташкил этиладиган UFC турнири доирасида америкалик Чарльз Жонсонга қарши октагонга чиқади. Рамазон бир ярим ой давомида тайёргарликни АҚШда ўтказади. 

"Ассалому алайкум азизлар. 1 март кунги жангимга тайёргарлик кўриш учун АҚШга жўнаб кетяпман. Ин Ша Аллоҳ, чиройли ғалаба билан қайтаман. Дуода бўлиб туринглар. Қўлимдан келганича ҳаракат қиламан. Ҳаммага раҳмат!", - дея сурат остида изоҳ ҳам қолдирган Темиров.

Маълумот учун, Чарльз Жонсон айни пайтда вазн рейтингида 12-ўринни эгаллаб турибди. У ММАда 17 ғалаба ва 8 мағлубият қайд этган. Ҳозирда 4 та ғалабали серия билан келмоқда. 33 ёшли Жонсон сўнгги жангини 2024 йилнинг 19 октябрь куни UFC Fight Night 245 турнири доирасида Су Мудаержига қарши ўтказиб, ҳакамларнинг якдил қарори билан ғалаба қозонганди. Темиров эса 13 октябрь куни АҚШ вакили Си Жей Вергарани биринчи раунддаёқ нокаутга учратиб, UFC'да муваффақиятли дебют қилган эди.