Рамазон Темиров UFC'га йўл олиш мақсадида янги менежерлик компанияси билан шартнома имзолади

Бу ҳақда Темиров ўзининг Instagram саҳифаси орқали хабар берган.

"Янги шартнома, янги имкониятлар. Сиз кутган, биз орзу қилган вақтлар яқинлашмоқда. Ин Ша Аллоҳ, тез кунда яхши янгиликлар билан хурсанд қиламиз", деб ёзган Рамазон Темиров.

Маълумот учун, "TAM Global Management" менежерлик компанияси қирғизистонлик UFC жангчиси Миктибек Оралбай билан ҳам ҳамкорлик қилади.

Рамазон Темиров фаолияти давомида 19 та жанг ўтказиб, 17 та ғалаба ва 2 та мағлубият қайд этган.