18 мар 13:31
Янгиликлар

Бокс/ММА

Рамазон Темиров вазн рейтинги янгиланди, у мағлуб этган Жонсон кўтарилди

Якшанба тонгида ўтказилган Лас-Вегас шаҳрида ўтказилган UFC Fight Night 254 турниридан кейин бир нечта вазн тоифаларида янгиланган рейтинг эълон қилинди.

Жумладан, Рамазон Темиров ўз жангларини ўтказиб келаётган ўта енгил вазн тоифаси рейтингида ҳам ўзгаришлар рўй берди. Хусусан, UFC 313 турниридаги ғалабасидан бир ҳафта ўтиб, Жошуа Ван Топ-15 рейтингида дебют қилди. Айни пайтда у 3 та ғалабали серия билан келмоқда. Ван UFC промоушенида 6 ғалаба ва 1 мағлубият қайд этган. Жошуа ўзининг Лигадаги дебют жангида қозоғистонлик Жалгас Жумагуловни мағлубиятга учратганди.

Ҳамюртимиз Рамазон Темиров 13-ўринда қолди. Охирги жангида айнан Рамазонга ютқазган америкалик Чарльз Жонсон бир поғонага юқорилаб, 14-ўринга жойлашди. Яқиндагина чемпионлик жангида октагонга чиққан япониялик Кай Асакура эса Топ-15`талик рейтингдан чиқиб кетди.