Рамазон Темировнинг Rizin'даги илк рақиби ўзгарди

Энг енгил вазн тоифасида ўзбекистонлик аралаш жанг санъатлари вакили Рамазон Темиров 6 май куни Япониянинг Rizin лигасида мезбон жангчи Такаки Сояга қарши октагонга чиқиши керак эди. Бироқ ҳамюртимизнинг рақиби жароҳат олиб, жангда қатнаша олмаслиги маълум бўлди.

"Баъзи сабабларга кўра жангим бекор бўлди. Рақибим жароҳат олибди, балки жароҳатдир, балки бошқа нарса бўлгандир. Ҳаммаси яхшиликка. Бизга нима яхши эканини Аллоҳ билади. Уни ўрнига бошқа рақиб беришди. Ин Ша Аллоҳ бу рақибни ҳам қабул қилдик. 6 май куни жанг бўлади. Ҳозирда вазн ташлаш ва машғулотлар давом этмоқда", - деб айтиб ўтган Rizin'даги илк ўзбек жангчиси.