Рамазон Темировнинг вазнида муҳим рейтинг жанги эълон қилинди

Инсайдер Марсель Дорфнинг маълум қилишича, ушбу мусобақа доирасида ўта енгил вазн тоифасида фаолият олиб борувчи америкалик Брэндон Ройвал камар учун собиқ даъвогар португалиялик спортчи Манель Капе билан тўқнаш келади.

Маълумот ўрнида, Ройвал фаолияти давомида 25 та жанг ўтказиб, 17 та ғалаба ва 8 та мағлубият қайд этган. У UFC рейтингида 3-ўринни эгаллаб турибди. Еттинчи поғонадаги Манель Капе ҳисобида эса 21 та ғалаба ва 7 та мағлубият бор.

Ушбу вазндаги ўзбекистонлик спортчи Рамазон Темиров ҳозирда рейтингнинг 14-ўрнида бормоқда.