Рамазон Темировнинг вазнидаги чемпионлик жанги ҳам тасдиқланди + ПОСТЕР

Бизнинг вақт билан 7 декабрь куни тонг саҳарда АҚШнинг Лас-Вегас шаҳрида ўтказиладиган UFC 323 турнирида энг енгил вазн тоифаси чемпиони бразилиялик Александр Пантожа (14-3) мьянмалик даъвогар Жошуа Ван (8-1)дан камарини ҳимоя қилади. Бу жангни ҳам ташкилот президенти Дана Уайт расман тасдиқлади. 

Эслатиб ўтамиз, Александр Пантожа охирги жангини Янги Зеландия вакили Кай Кара-Франсга қарши ўтказиб, рақибини учинчи раундда бўғиб қўйганди. Бу билан Пантожа ўзига тегишли чемпионлик камарини тўртинчи маротаба муваффақиятли ҳимоя қилган эди. 

Маълумот учун, UFC 323 турнирининг асосий жанги ўта енгил вазн тоифаси чемпиони грузиялик Мераб Двалишвили ҳамда россиялик собиқ дивизион чемпиони Пётр Ян ўртасида бўлиб ўтади. Ҳамюртимиз Богдан Гусков ушбу турнир доирасида ярим оғир вазнда собиқ UFC чемпиони польшалик Ян Блаховичга қарши октагонга кўтарилади.