Рамазон Темировнинг вазнидаги қозоғистонлик UFC жангчиси марказий жангда октагонга чиқади

Энди у АҚШнинг Лас-Вегас шаҳрида ўтказиладиган UFC Fight Night 253 турнирининг марказий жангида октагонга чиқадиган бўлди. Қозоғистонлик аралаш яккакураш устаси жароҳат олган Брэндон Ройвалнинг ўрнига Манель Капега қарши жанг қилади. Ушбу тўқнашув UFC Fight Night 253 турнирининг асосий жанги бўлади. 

Рамазон Темиров ҳам айнан шу оқшомда ўзининг промоушендаги иккинчи жангини ўтказади. У айнан Асу билан битта вазн вакили ҳисобланади. Ғалабали серия давом этса, икки қўшни жангчилар октагонда бир-бирларига қарши тўқнаш келиб қолишлари мумкин. 

Маълумот учун, 31 ёшли Асу Алмабаев мағлубиятсиз серия билан келмоқда. У UFC октагонида 4 та ғалаба қайд этган. Охирги жангида Матеус Николауни очколар ҳисобига кўра мағлубиятга учратганди. Манель Капе эса ўтган йилнинг декабрида Бруно Сильвани учинчи раундда техник нокаут эвазига таслим этганди. 

Айни пайтда Манель Капе ҳамда Асу Алмабаев мос равишда ўта енгил вазн тоифаси рейтингида олтинчи ва саккизинчи ўринларни банд этган. Алмабаев UFC турнирларининг марказий баҳсида октагонга чиққан илк қозоғистонлик жангчига айланади.