Рамзан Кадиров Анкалаев ва Дураевни UFC 267 турниридаги ғалабалари учун алоҳида тақдирлайди

"Азиз дўстлар! Менга айниқса, "Ахмат" жангчилари Магомед Анкалаев ва Альберт Дураевнинг Абу-Дабидаги UFC 267 жанговар турниридаги чиқишлари ёқди. Йигитлар ажойиб техника кўрсатиб, жанговар қобилиятларини яққол намойиш этишди. Уларнинг чиқишлари "Ахмат" аралаш яккакураш клуби энг кучли жангчиларни тайёрлаётганини яна бир бор исботлади. 

Шу билан бирга, ишончим комилки, жангчиларимиз ўз маҳоратларининг фақат бир қисмини кўрсатишди. Улар жуда иқтидорли ва истиқболли спортчилар бўлиб, энг яхшилар қаторига чиқиш учун барча имкониятларга эга. Магомед Анкалаев ва Альберт Дураев яхши спорт иқтидорлари билан бир қаторда юксак ахлоқий фазилатлари билан ажралиб туради. Иккала жангчи ҳам жисмоний ва маънавий жиҳатдан юксалиш устида ишламоқда. 

Шу боис йигитларни UFC 267 турниридаги муносиб натижа учун алоҳида тақдирлашга қарор қилдим. Аминманки, бу уларнинг келажакдаги спорт фаолиятларида қўшимча рағбат бўлиб хизмат қилади”, - деб ёзди Кадиров "Инстаграм"да.