Рамзан Кадиров шахсан ўзи аэропортда Чимаевни кутиб олди + ФОТО

Чимаев ўзи туғилиб ўсган юртга муолажа олиш ва тикланиш учун келди. Хамзат яқинда коронавирусга чалинган ва бу касалликни ўзида оғир ўтказган эди. 

"Бугун UFC`нинг кўзга кўринган жангчиларидан бири Хамзат Чимаев ўз Ватанига қайтиб келди. Яхшигина вазн йўқотибди. Бу ернинг тоза ҳавосидан сўнг ўзига келиб олишига ишонаман. У бу ерда коронавирус инфекциясидан тўлиқ фориғ бўлиш учун тиббий муолажаларни олади. Бутун чечен халқи Хамзатнинг касаллигини ўзининг дарди каби қабул қилди. Шахсан мен унинг фаолияти давом этишини истайман. Ишончим комил, у албатта қайтади", - деб ёзади Кадиров.