30 окт 20:45
Янгиликлар

Бокс/ММА

Рамзан Қодиров: “Хабиб ва Флойд келишиб олишса, жангни ўзим юқори савияда ўтказиб бераман”

Чеченистон Республикаси Президенти Рамзан Қодиров пойтахт Грозний шаҳри бешта вазн тоифасида собиқ жаҳон чемпиони Флойд Мейвезер ҳамда енгил вазнда UFC чемпиони Хабиб Нурмагомедов ўртасидаги жанг мезбонлигига тайёр эканлигини маълум қилди.

“Биз спорт, сиёсат, маданият йўналишидаги катта тадбирларни юқори савияда ўтказиш бўйича бой тажрибага эгамиз. Агар Хабиб ва Флойд ўзаро жанг ўтказиш бўйича келишиб олишса, у ҳолда биз уларнинг жангларини юқори савияда ташкил этиб беришга тайёрмиз.

Албатта, мен Хабибга мухлислик қиламан. У бизнинг спортчимиз - мусулмон, россиялик, кавказлик. Шу билан бирга Мейвезердаги юксак қобилият мухлисиман. Мен Флойдни ҳурмат қиламан. У Грознийга худди уйига келгандек ташриф буюради. Унинг сўзларидан иқтибос келтираман: “Мен Чеченистонда уй қуришни, шу ерда яшашни ва Россия фуқаролигини олишни истайман”. Ҳар қандай ҳолатда ҳам биз бу жангга тайёрмиз”, - деди Рамзан Қодиров.