Расман: "Ал Ҳилол"нинг яна бир асосий ўйинчисида коронавирус аниқланди

Ёдингизда бўлса, жамоаларнинг 3 кун олдинги ўйинини риёдликларнинг 6 нафар ўйинчиси коронавирус аниқлангани сабаб ўтказиб юборган эди. Иштирокчи жамоалар ҳар 3-5 кунда тест топшириб борадилар.

Кеча "Ал Ҳилол" матбуот хизмати жамоанинг яна бир ўйинчисида Covid-19га топширган тест натижалари ижобий чиққанини эълон қилди. Бу асосий таркиб ўйинчиси ҳисобланган қанот ҳимоячиси Ёсир Ал Шаҳрони. Айни пайтда у карантинга олинган ва тиббиёт ходимларининг доимий назоратида.

Бу нарса бугунги ўйинга таъсир қиладими ёки йўқ деган савол туғилиши табиий. Бу саволга 12 сентябрь куни қўйган хабаримиз жавоб бўлади. 

Эслатиб ўтамиз, Ал Шаҳрони биринчи ўйинда тўлиқ 90 дақиқа ҳаракат қилган эди.