04 фев 11:50
Янгиликлар

Бокс/ММА

Расман. Азизбек Темировнинг АҚШдаги илк жанги эълон қилинди, ака-укаларнинг иккиси ҳам бир ҳафтада жанг қилади

Ўзбекистонлик аралаш яккакураш устаси Азизбек Темировнинг LFA лигаси билан шартнома имзолагани ҳақида хабар берган эдик.

Темиров 11 январь LFA 199 турнири доирасида россиялик Магомед Шахбанов билан жанг қилиши керак эди. Бироқ жароҳати туфайли ҳамюртимиз мусобақада қатнаша олмаганди. Азизбек энди 6 март куни Лас-Вегасда ўтказиладиган LFA 203 турнири доирасида октагонга кўтарилади. Унга ўша куни бразилиялик Даниэль Араухо рақиблик қилади.

Мусобақанинг марказий жанги қирғизистонлик Уран Сатибалдиев ва Бразилия вакили Леон Соареш ўртасида кечади. Азизбекнинг акаси Рамазон 2 март тонгида UFC Fight Night турнири доирасида америкалик Чарльз Жонсон билан баҳс олиб боради.

Маълумот учун, Азизбек Темиров фаолияти давомида 5 та жанг ўтказиб, уларнинг барчасида ғалаба қозонган. Араухо ҳисобида эса олтита ғалаба мавжуд.