Расман: Богачукнинг навбатдаги рақиби ва жанг санаси эълон қилинди. У икки ўзбек боксчиси билан жанг қилган

29 ёшли чарм қўлқоп устаси 17 май куни АҚШнинг Калифорния штати Коммерс шаҳрида ташкил этиладиган бокс оқшомида рингга кўтарилади. Унга ўша куни америкалик Майкл Фокс рақиблик қилади.

Маълумот учун, Богачук фаолияти давомида ҳозирга қадар 26 та жанг ўтказиб, 24 та ғалаба (23 КО) ва 2 та мағлубият қайд этган. У ўтган йилнинг декабрь ойида собиқ жаҳон чемпиони Исроил Мадримов билан жанг қилиши керак эди, лекин ҳамюртимизнинг жароҳат олиши натижасида унинг ўрнига англиялик Ишмаэль Дэвис Сергейга рақиблик қилган ва ўша жангда Богачук муддатидан аввал ғалаба қозонган эди.

Майкл Фокс ҳисобида эса 24 та ғалаба ва 4 та мағлубият бор. У 2019 йилда ўзбекистонлик боксчилар — Шоҳжаҳон Эргашев ва Фазлиддин Ғоибназаров билан тўқнаш келиб, мос равишда битта мағлубият ва битта ғалаба қайд этган.