26 май 13:36
Янгиликлар

Бокс/ММА

Расман! Дана Уайт яна бир қизиқарли жангни эълон қилди

UFC промоушени томонидан 29 июнь куни АҚШнинг Лас-Вегас шаҳрида ўтказиладиган рақамли турнир учун яна бир жанг тасдиқланди.

UFC 303 турнири доирасидаги ушбу жанг яримўрта вазн тоифасида Йен Мачадо Гэрри ва Майкл Пейж ўртасида ўтказилади. Бу ҳақида шахсан UFC раҳбари Дана Уайт хабар берди.

Маълумот учун, 37 ёшли Майкл Пейж шу йилнинг март ойида Майамида ўтган UFC 299 турнирида Кевин Холландни очколар ҳисобига кўра мағлубиятга учратган эди. 26 ёшли Йен Мачадо Гэрри эса шу йилнинг февралида UFC`даги еттинчи ғалабасини қўлга киритганди. Ўшанда у Анахаймда ўтган UFC 298 турнирида Жефф Нилдан ҳакамларнинг айри қарори билан устун келган эди.

Айни пайтда Йен Мачадо Гэрри яримўрта вазн тоифаси рейтингида еттинчи, Майкл Пейж эса ўн учинчи ўринни банд этган.